लाइब्रेरी
प्रोफाइल
किसान के पीरा
किसान के पीरा
1 min
132
सावन मा तै गिरे नही
भरे अग्घन मा बरसावत हस
हाय रे मुडपिरवा बादर
आज सबो किसान ला तैं रोवावत हस.....
सावन के बरखा रानी तैं
अघ्घन मा काबर आवत हस
गिराके पानी झोर झोर के
काबर रार मचावत हस
वाह रे देखमरहा करिया बादर
आज सबो किसान ला तै रोवावत हस...
जरूरत रिहिस ओ दिन मा
तब तैहा तरसाए हस
आज किसान के बइरी बनके
काबर तैहा आए हस
देश राज के अर्थव्यवस्था
काबर तैं डगमगावत हस
वाह रे करिया बादर आज
सबो किसान ला तैं रोवावत हस....
जे दिन मा बलाए रेहेन
ओ दिन मा भुलियार दिए
धान लुवे के दिन मा काबर
दुख के बादर ढार दिए
कर्जा लदाए मुँड़ ऊपर मा
काबर तैं इतरावत हस
हत् रे करिया बादर आज
सबो किसान ला तै रोवावत हस....
