छत्तीसगढ़ का दर्द

आज मोर छत्तीसगढ़ महतारी ला

का का दिन देखें ला लागत हे ......

जेन लईका ला अंगरी धारा के 

रेंगे बर सिखाए रिहिस हे..

आज उही हाथ ले ओ लईका हा

दाई ददा ला धकियात रिहिस हे..

आज मोर छत्तीसगढ़ महतारी ला

का का दिन देखें ला लागत हे ......

जेन लईका ला छाती लगा के

दुध हे पियाय रिहिस हे..

उही लईका आज दाई ददा ला

पानी तक नई पुछिस हे..

आज मोर छत्तीसगढ़ महतारी ला

का का दिन देखें ला लागत हे ......

जेन लईका बर दाई ददा हा

खेत खार अऊ घर घलो ला बेचिस हे..

उही लइका आज दाई ददा ला

घर दुवार ले खेदिस हे..

आज मोर छत्तीसगढ़ महतारी ला

का का दिन देखें ला लागत हे ......