छेरछरा

दान पुन ला कर ले रे भईया 

इही  जिनगी के चिन्हारी ये।

कोठिक धान ला मांगेल जाबो 

जिहां छत्तीसगढ़ महतारी हे।।

बाजा पेटी म मनाबो भईया

छेर छेरा के तिहार गा।

टुकनी अऊ झोला मा मांगबो

गली खोर दुवार गा।

पूस के पुन्नी मा मनाथे

करम कमई के तिहार गा

दया धरम अऊ दान हरे गा

जिनगानी के सार गा।

दुवारी मा जाके कहीबो

छेर छेरा छेर छेरा ।।

माई कोठिक धान 

ला हेर हेरा, हेर हेरा।।

अरण बरन कोदो झरन।

जभे देबे तभे टरण।।

छेर छेरा छेर छेरा ।।

माई कोठिक धान 

ला हेर हेरा, हेर हेरा।।