Library
Profile
इक बूट्टा सबना लाणा ज़रूर
इक बूट्टा सबना लाणा ज़रूर
धरतु देयो माणुओ सुणी लेया,
मत बणा तुसां इतने मगरूर।
ओवा मिली करी वादा करिये,
इक बूट्टा सबना लाणा ज़रूर।।
रुख्ख- बूट्टे सब दा जीवन अधार,
एह बूट्टे हन,धरतु दा श्रृंगार।
मत कट्टा,मत वड्डा,इन्ना जो,
करी लेया तुसां,इन्ना जो प्यार।
धरतु यो तुसां,जे स्वर्ग बणाणा,
करी लेया मेरी, ए अर्ज़ मंजूर।
ओवा मिली करी वादा करिये,
इक बूट्टा सबना लाणा ज़रूर।।
कियाँ करां सिफत बयाँ लोको
एह दिंदे ठंडड़ी छाँव लोको।
लख्खाँ जीयां दा रैंन बसेरा,
जिंयाँ चिड़ियां,तोत्ते,काँव लोको।।
इनाँ रुख्खां दी है बड़ी बडियाई,
बधांदे न धरतु दा नूर।
ओवा मिली करी वादा करिये,
इक बूट्टा सबना लाणा ज़रूर।।
पिप्पळ, सिंब्बळ, बड़,कचनार,
जम्मण,बेहड़ा,अम्ब या देयार।
अपणी,अपणी सोभा सब दी,
लोंदे बद्दळ, बरखा बहार।
अंत वेले तक साथ निभांदा,
इक रुख्ख तां नाळ ही जाँदा।
रुख्खां नै जुड़ेया जीवन सार,
करी लै "सुरेश" इस्स बारे सोच विचार,
खुशहाली रैहणी भरपूर।
ओवा मिली करी वादा करिये,
इक बूट्टा सबना लाणा ज़रूर।।
धरतु देयो माणुओ सुणी लेया,
मत बणा तुसां इतने मगरूर।
ओवा मिली करी वादा करिये,
इक बूट्टा सबना लाणा ज़रूर।।
