गुढी पाडवा (पोवारी कविता)

गुढी पाडवा हिंदुको

आय  पयलोच  सन |

नवो सालको आरंभ

करसेती   हिंदु  जन ||१||

चैत्र  शुक्ल  प्रतिपदा

गुढी पाडवा को मान |

येन  दिन  ब्रम्हाजीन्

सृष्टी  करीस  निर्मान ||२||

राम राज्य अभिषेक 

आय  यवच  दिवस |

नवरात्री  को  प्रारंभ 

दुर्गापुजा  को नवस ||३||

देन विक्रमादित्य की

शक  शत्रु   हराईस |

सुरु   विक्रम  संवत

येन  दिन   कराईस ||४||

गुढी उभी करो अना

बांधो  द्वारला तोरण |

प्रेम भाव ल् मनाओ

गुढी पाडवाको सण ||५||

येन साल पाडवा ला

कडुलिंब पाला खावो |

बड़े   रोग   प्रतिकार

दुर  कोरोना  भगावो ||६||