लाइब्रेरी
प्रोफाइल
दियवा जराई जी
दियवा जराई जी
1 min
192
आईल दिवाली घरे दियवा जराई जी
गईया के गोबरा से दुअरा लिपाई जी
घरवा के संगवा मनवा के गंदगी
दुख दुर्भिक्षवा अब बहरा भगाई जी।
होखे ना चाही केहुके घरवा अनहरिया
दिअवा के जगमग उगावा अंजोरिया
रोवत लइकवा दे फुलझरिया हँसाई जी
आपन पराया इहवा केहु ना होला।
मिली घरवा सजावा मनवा गांठ खोला
करा दूर दुख दुखिया बड़ा दिलवा दिखाई जी
होई उजियारा खाली तोहरे महलिया
जरी काहे नाही दिअवा मोरे झोपड़िया।
मने देशवा सगरो दिवाली जतन कराई जी
जरे कही दिअवा कही दिलवा ठीक नईखे
खाये कही मिठाई कही भुखल ठीक नईखे
रहे नाही केहु बाकी सबके खिआई जी।
भरल पुरल रहे सबकर कोठरिया मे
सुख शांति रहे मोरे भारत नगरिया मे
दिवाली दिलवा से दिलवा मिलाई जी।
