भोजपुरी गीत- जान हमार लेके |

चलावेलु काहे दिलवा पर आरी

नैना तोहार भईले कटार दुधारी

जान हमार लेके मनबु का।

भईल बरछिया के कोर नैना कजरारी,

धाँस देबू का गोरी करेजवा कटारी।

जान हमार लेके मनबु का।

बड़ी बड़ी अँखियाँ तिरिया चलावेले

धँसी हमरे छतिया दरदिया बढ़ावेले,

ताका जनी हमके बुझा मोर लाचारी

नैना तोहार भईले कटार दुधारी ।

जान हमार लेके मनबु का ।

झुकी जाले अँखिया दिनवा रात होई जाला,

उठी जाले अँखिया रतिया भोर होई जाला,

चलावा जनी अँखिया गोली तू दुनाली,

नैना तोहार भईले कटार दुधारी।

जान हमार लेके मनबु का।

सगरवा से गहिर तोहार अँखियाँ के गहराई बा,

नजरवा जे डूबी जाला कहा उ उपराइल बा,

लगी गईल नजरिया के अब उतारी,

नैना तोहार भईले कटार दुधारी ।

जान हमार लेके मनबु का ।