યે દોસ્તી
યે દોસ્તી
“વિક્કી યાર, તેં મને મસ્ત જીવતાં શીખવાડ્યું. હું તો બોટલમાં જ જીવતાં ટેવાયેલો.”
“બોલો ! હવે વૈતાલ પણ જીવવાની વાતો કરવા લાગ્યા.” વિક્રમને હસવું આવ્યું.
મોંઘી ગાડીમાં વિક્રમ અને સ્માર્ટ રુપ ધારણ કરેલો વૈતાલ આજે નગરમાં ફ્લાયઓવર બનાવવાનું મોટું ટેન્ડર ખૂલવાનું હતું એ ઓફિસ પહોંચ્યા.
ગાડીમાંથી ઉતર્યા બંને, પણ ઓફિસમાં વિક્રમ એકલો દાખલ થયો.
“પરદાદાને બત્રીસ પૂતળીની વાર્તા કરીને પટાવતો વૈતાલ અહીં આ બધાં માથાભારે માથાંઓને વશ કરી શકશે !” પ્રતિક્ષાની પળ પછી ટેન્ડર વિક્રમના નામે ખૂલ્યું.
ગાડીમાં વિક્કી વૈતાલને તાળી દેતાં..
“તે મને કંઈ સુપરનેચરલ તારી શક્તિ વિશે શંકા હોય જ નહીં ને દોસ્ત !”
પણ હવે વૈતાલની આંખમાં સુપરનેચરલ ચમક હતી.