પ્રપોઝ ડે

મંથન બાકો, જીંદાદિલ આધુનિક યુવાન. મીરા ફટાકડી, આધુનિક યુવતી. મીરા બેન્કમાં નોકરી કરે. એકવાર મીરાનાં મોબાઈલમાં એક મીસકોલ આવ્યો. અને આ અજાણ્યો નંબર કયારે તેના દિલમાં ઘર કરી ગયો તે મીરાંને સમજ ન પડી. હવે રોજ હાઈ "ગુડ મોર્નિંગ" ને "ગુડ નાઈટ" થી ઓનલાઈન વાતો થવા લાગી. આ મીસકોલ મંથનનો હતો. મંથનને મીરાં એકબીજાનાં નામ પણ જાણતા ન હતાં. સામાન્ય મેસેજ માથી કયારે " જાનું" બેબી"ને" આઈ લવ યુ " સુધી પહોંચી ગયા ખબર ન પડી. આ સીલસીલો છ મહિના ચાલ્યો. હવે મંથનથી ઈંતજાર થતો ન હતો. તેણે મીરાંને મેસેજ કર્યો. 

"એમજ ન તડપાવ મને

 ન જાણું નામ, ન જાણું કામ

 ન જોયો તારો ચહેરો બસ

 દિલથી દિલ મળ્યાને થઈ 

 ગયો ઓનલાઈન પ્રેમ."

બંને એ ગાર્ડનમાં મળવાનું નકકી કર્યુ. છ વાગે. બંને એ એકજ લાલ કલરનાં કપડા ને લાલ ગુલાબ લઈ આવવાનું નકકી થયું. મીરાં લાલ સલવાર કમીઝમાં ગજબ લાગતી હતી. થોડી વારમાં લાલ શર્ટમાં લાલ ગુલાબ લઈ મંથન આવ્યો. પણ આ શું ? મંથન મીરાંને જોઈ હેબતાઈ ગયો. તેના હોશકોશ ઊડી ગયા. મીરા વ્હિલચેર પર હતી. તેના બંને પગ પોલિયોગ્રસ્ત હતાં. 

મીરા મંથન ને જોઈ બોલી કે,"તું મારા માટે તારી જિંદગી ન બગાડ તને મારા કરતાં સારી છોકરી મળી રહેશે." પણ મંથન મીરાંનો હાથ પકડી ચુમી લે છે. બંનેને કશું બોલવાની જરૂર પડતી નથી. આ હતો અનોખો ને બધાથી અલગ મંથન અને મીરાંનો ઓનલાઈન પ્રેમ. 

મંથને ઘુંટણીએ પડીને લાલ ગુલાબ આપીને મીરાને પ્રપ્રોઝ કર્યુ અને બંનેએ જીવનભર સાથ રહેવાના કોલ આપ્યા.