પ્રેમ અને દર્દ

પ્રેમ અને દર્દ બંને પર્યાય શબ્દો છે, દર્દ ન મળે ત્યાં સુધી પ્રેમની કદર નથી થતી.

પ્રેમીઓ સાથે હોય છે એ સમયને બસ એ લોકો ત્યાં જ રોકી લેવા માગે છે. કેમ કે પ્રેમીઓ માટે એ પળ અદભૂત અવિસ્મરણીય હોય છે. પ્રેમમાં પ્રેમી જેટલી ખુશી અનુભવે છે એટલી ખુશી એને બીજે ક્યાંય નથી મળતી પણ એ બેમાંથી એક પ્રેમીનું કોઈ કારણસર બીજા પ્રેમીથી દૂર જવું એ પ્રેમી માટે હૃદયમાંથી શ્વાસ છીનવી લેવા જેવું લાગે. જેના માટે પ્રેમનો સાથ છૂટ્યો મતલબ એની દુનિયા ખતમ થઈ ગઈ એવું લાગે. દર્દ તો બધા સંબંધ આપે જ છે પણ પ્રેમના સંબંધમાં એટલું બધું દુઃખ મળે છે કે પ્રેમી પોતાનું જીવન ટૂંકાવી દે છે અથવા બીજાના જીવનનો અંત લાવતા એક વાર પણ વિચાર નહિ કરે.