જવાબદારી કોઈ એકની જ કેમ?

એક દીકરી જેનુંનામ છે રચના એના લગ્ન પછી એ દીકરી સાસરે જાય એટલે ઘરની બધી જવાબદારી હવે એની જ એ વાત મને થોડી તકલીફ આપે છે. જે ઘર આટલા વર્ષોથી જે વ્યક્તિ ચલાવતું આવ્યું છે અચાનક બિલકુલ આ ઘર માટે એ વ્યકિતની બધી જવાબદારી પૂર્ણ થઈ જાય છે. નવી પરણીને આવેલી પુત્રવધૂ માટે હજુ બધું નવું છે એને તમારા ઘરના રીત રિવાજો રૂઢિ બધું શીખતા હજુ સમય લાગે અને ત્યાં સુધી તમારે ધીરજથી એને બધું શીખવાડવાનું છે. જેના બદલે તમે સંપૂર્ણ જવાબદારી એને આપી દયો એ થોડું અજુગતું લાગે. પણ રચના ખૂબ હોશિયાર હતી એ બધી જવાબદારી સારી રીતે નિભાવતી, ક્યારેય ફરિયાદનો કોઈ મોકો ન આપતી.

રચના એ થોડા મહિના પછી સારા સમાચાર આપ્યા કે એના ઘરમાં નવું મહેમાન આવવાનું છે, જેથી એની સાસુની જવાબદારી કે ફરજ જે ગણો તે રચના પ્રત્યે વધુ હોવી જોઈએ. પણ એના સાસુ ઘણા સમયથી ક્યાંય બહાર ફરવા કે પોતાના ભાઈના ઘરે રોકાવવાનો જઈ શકવાથી રચનાનાં આવવાથી એ વધુ બધે હરવા ફરવા જાય જ્યારે રચના ઘર સંભાળે. ક્યારેક તો તબિયત ખરાબ હોય તો પણ ઘર કામ કર્યા વગર તો ચાલે જ નહીં એટલે ઘણી મુશ્કેલીઓ પડતી છતાં કોઈ પણ ફરિયાદ વગર હમેશા ઘર સાંભળ્યું.

થોડા મહિના પછી રચના એ એક સુંદર બાળક ને જન્મ આપ્યો. રચનાંનાં ઘરમાં વર્ષો પછી બાળક આવવાથી બધા ખૂબ જ ખુશ થયા. એ બાળકનાં જન્મ સમયે રચનાનાં મમ્મી રસીલાબહેન એમની દીકરીને સાચવવા અને રચનાનાં સાસુ કાશ્મીરાબહેન ઘર કામ કરવા માટે એકલા હોવાથી એમની મદદ કરવા આવ્યા. થોડા દિવસો પછી રચના એના પિયર ગઈ ત્યાં પણ બધાનો સમય બાળકને આખો દિવસ રમાડવામાં જ પસાર થઈ જાય.

રચનાનાં પરિવારમાં સાસરે સાસુ સસરા બે ભાઈઓ અને એક બહેન જેમાં બહેનનાં લગ્ન થઈ ગયા હતા મોટો ભાઈ એટલે રચનાનાં પતિ વીરેન્દ્ર અને નાનો ભાઈ રોનિક હજુ કુંવારો હતો. હવે રોનિક માટે ઘણી છોકરીઓ જોઈ પછી એક ગામમાં જ રહેતી અને જ્ઞાતિની છોકરી સાથે એનું સગપણ નક્કી થયું અને લગ્ન થયા એના લગ્ન પછી ઘરમાં ઘણી વાર કોઈ બાબતે બોલવાનું થતું.

રચનાના દેરાણી ભૂમિને પણ લગ્નને વર્ષ જેટલો સમયગાળામાં એક દીકરાનો જન્મ થયો. હવે બાળકો લઈને ઘરમાં વિવાદ વધુ થવા લાગ્યા અને રચનાને ફરી એક વખત એમના જીવનમાં નવું બાળક આવશે એવા સમાચાર આપ્યા. રચનાને આ વખતે એક બાળકી આવી જોકે આ વખતે એ પ્રસૂતિ કરવા એના પિયર આવેલી.

રચનાનાં બંને બાળકો પ્રિયાંક અને પ્રીતિ બંને થોડા મોટા થઈ ગયા અને એના દિયર રોનીકભાઈનો દીકરો રંગેશ પણ થોડો મોટો થઈ ગયો. આમ બાળકો મોટા થવાથી તેમના રમકડાં કે બીજા અન્ય કારણોસર ઝગડા થવા લાગ્યા જેની અસર આખા ઘરમાં વર્તાય. અમુક દિવસ પછી એક વાર રચનાનાં સાસુએ ઘરના બધા સદસ્યોને ભેગા કરી અને બેમાંથી એક દીકરાને અલગ રેહવાં જવા જણાવ્યું. જેથી દીકરાઓ વચ્ચે મનભેદ થતો અટકે અને ઘરમાં થોડી શાંતિ જળવાઇ રહે.

રચના વીરેન્દ્ર અને એમના બે બાળકો પ્રિયાંક અને પ્રીતિ ચારેય અલગ ઘરમાં રહેવા જતા રહ્યા.વીરેન્દ્રને જે કંપનીમાં જોબ હતી એમાં એના સાથે એના સાહેબ સાથે ઘણી વાર બીજાના કામને લીધે એને સાંભળવાનું થતું એટલે એણે ત્યાંથી જોબ છોડી અને બીજે કંપની જોઇન્ટ કરી.

બીજી કંપનીમાં પેલી કંપની કરતા વધુ સમય લાગે નોકરીમાં. પરિણામે ઘરથી વેલા જવાનું અને મોડા આવવાનું લગભગ બાર કલાક જેટલો સમય થાય એટલે રચનાને બંને બાળકો સંભાળવાના અને ઘરનું કામ પણ એકલા કરવાનું.

રચના અને પરિવારના કેહવાથી એમને ઘરનું ઘર લઈ લીધું, એટલે એના હપ્તા કપાય અને ઘરની તમામ જરૂરિયાત અને બાળકોનાના એટલે અવાર નવાર માંદા પડે તો એ ખર્ચ અને રચનાને બાળકોની જવાબદારી એટલે ઍ પણ જોબનો કરી શકે તેથી એકના પગારમાં બધો ખર્ચ કાઢવાનો હોવાથી કામ કરાવવા માટે બહેન રાખવા પોસાય નહિ એટલે બધું કામ તે જાતે જ કરતી.

બંને બાળકો અંગ્રેજી માધ્યમ નિશાળમાં ભણવા મૂક્યા એટલે બનનેનાં અભ્યાસમાં પણ વધુ પડતું ધ્યાન આપવું પડે અને બાળકો તોફાન પણ કરે એટલે રાત પડે ત્યાં રચના ખૂબ થાકી જાય. વીરેન્દ્ર જોબ પરથી આવે એટલે એ પણ થાકેલા હોય ક્યારેક રચના એમને બાળકોના અભ્યાસમાં ધ્યાન આપવાનું અથવા એમના અભ્યાસને લગતું કોઈ કામ જેમકે પ્રોજેક્ટ બનાવવો અથવા એમને સવાલના જવાબ પૂછવા એવા કોઈ કામ કરવાનું કહે તો એ એમાં ખાસ રસ નો દાખવે અને એનું સંપૂર્ણ ધ્યાન એના મોબાઇલમાં હોય. અઠવેમનું કોઈ કામ હોય તો એમાં હોય એમાં ઓછામાં વધુ ક્યારેક તો બાળકો પણ વીરેન્દ્ર પાસેનો ભણે પરિણામે રચના એ રાતે જ્યારે બધું કામ પૂર્ણ થાય ત્યારે અથવા ક્યારેક કામ બાકી રાખીને બાળકોને પેલા ભણાવે પછી કામ કરે.

બાળકોને ભણાવવા બાળકો તરફ ધ્યાન આપવું માતા પિતા બનનેની જવાબદારી છે તો એ કોઈ એક ને જ કેમ નિભાવવાની ? શું વીરેન્દ્ર જોબ કરી અને પૈસા કમાય એનો મતલબ એવો તો નથી કે ઘરની બીજી બધી જવાબદારીમાં એમનો થોડો પણ સાથનો મળે રચના ને ?

રચના ને પણ જોબ કરવી છે પણ બાળકોની જવાબદારી નિભાવવાની અને ઘરના કામ ઉપરાંત ઘરમાં કોઈ પણ વસ્તુ લાવવી, બાળકો માંદા પડે તો બધું કામ મૂકીને એમને દવાખાને લઇ જવા પછી દવાખાનેથી આવીને રસોઈનો બની હોય તો પેલા રસોઈ બનાવવી કપડાં ધોવાનો સમયનાં મળ્યો હોય તો એ ધોવા, વાસણ સાફ કરવા બધું કામ કરવું અને બાળકોની હાજરીમાં પણ રહેવાનું આ બધી જવાબદારી શું રચનાની એકની જ વીરેન્દ્રની જવાબદારી ફક્ત પૈસા કમાવવાની જ છે ?

આ બધી જવાબદારી નિભાવતા રચના ઘણી વાર બીમાર પડતી એને કમરમાં દુખાવો થાય. ઘણી વાર તાવ આવે તો પણ બધું જ કામ રચના એ જ કરવાનું એમાં પણ એના સસરા જ્યારથી સાથે રહેવા આવ્યા ત્યારથી એમના ભાગનું કામ પણ વધી જાય. રચનાનાં સાસુ ક્યારેય રચનાને મદદ કરવા એના ઘરેનો આવે એ ફક્ત ત્યારે જ રચનાનાં ઘરે આવે જ્યારે ભૂમિ એમના પિયર ગયી હોય ભૂમિને તો ગામમાં જ પિયર હોવાથી દર શનિવાર અને રવિવાર એ એના પિયર રોકાવા જાય જ્યારે રચનાને તો એના પિયર જવામાં સાતથી આઠ કલાક જેટલો સમય થાય એટલે એને વેકેશન પડે ત્યારેજ જઈ શકે. એમાં પણ હવે પ્રીતિ એના પપ્પાને મૂકીને એકલા ક્યાંય જવાનીના પાડે એટલે રચના લગભગ બે વર્ષથી પિયર પણ નથી ગઈ. કેમકે વીરેન્દ્રને ઓફિસથી રજા મળે નહિ એટલે એને પિયર જવા પણનો મળે.

હવે એમાં પણ કોરોનાનાં કારણે લોકડાઉન આવ્યું અને ઘરની બહારનો જઈ શકવાથી બાળકો આખો દિવસ ટીવી અને મોબાઇલ જોવે આખો દિવસ એમના તોફાન અને કામથી ખુબ કંટાળી ગઈ રચના. ફરિયાદ કરે તો સંભાળે પણ કોણ ?

મારો સવાલ દરેક પતિઓને છે શું બાળકો સાચવવા એમને ભણાવવા એ બધી સંપૂર્ણ જવાબદારી એક માતાની જ છે પિતાનું એમાં કોઈ યોગદાન નહિ ? બાળક બનને નું છે એમનો ઉછેર બનને એ મળીને કરવો જોઈએ. 

જો મારી વાર્તા સાચી લાગી હોય તો અભિપ્રાય આપવા વિનંતી અને એમાં કંઈ ખોટું લાગ્યું હોય તો પણ જણાવવા વિનંતી તમારો જે અભિપ્રાય હોય સાચો કે ખોટો બનને જણાવવા. જેથી મને વાર્તા લખવા માહિતી મળે.