Kanala Dharmendra

Inspirational


5.0  

Kanala Dharmendra

Inspirational


નિરંતર સુખ

નિરંતર સુખ

1 min 325 1 min 325

"તમારો આજનો દિવસ કેવો ગયો એનાં માટે માત્ર અને માત્ર તમે જ જવાબદાર છો. તમારી ઈચ્છા વિરુદ્ધ કોઈ તમને સુખી કે દુઃખી કરી શકતું નથી", આ વાક્ય અમારાં શિક્ષક પાસેથી સાંભળીને પછી એને બ્રહ્મવાક્ય સમજીને જ જીવ્યો છું. અતિ સંતોષ માણસને વિકાસથી દૂર હડસેલે છે અને અતિ અસંતોષ માણસને શાંતિથી દૂર હડસેલે છે એમ માનીને જ જીવું છું.


આ વર્ષે જ શિક્ષકમાંથી આચાર્ય બન્યો, સોશિઅલ મીડિયામાં છવાઈ ગયો, જ્ઞાતિએ અદભુત સન્માન આપ્યું, લેખક તરીકે ઘણાં લોકોએ આવકાર્યો, લેખન-વાચન સમૃદ્ધિ વધી, ચાર પુસ્તકો આવ્યાં. આ બધું અને હજી બીજું ઘણું બોલીને કાજલે મને કહ્યું, "આ વર્ષ તો ઘણી સિદ્ધિઓ અપાવી ગયું કેમ?" " એવું કયાં વર્ષે નથી બન્યું? વળી, આ બધાં કરતા તું પંદર વર્ષથી મારી સાથે અડીખમ ઉભી છો, મેં મિત્રો હજુ એનાં એ જ રાખ્યાં છે, નવાં ઉમેરાય છે પણ જૂના ઘટતાં નથી, લગ્નનો કોટ હજુ થઈ જાય છે, ડોક્ટરને હું નથી ગોતતો અને કોઈ પોલીસ મને નથી ગોતી રહી એ ખરી સિદ્ધિઓ છે", કહેતાં મારે ખડખડાટ હસી પડાયું. મારી બાજુમાં બેઠેલી મારી દીકરીઓએ પૂછ્યું, "તો પણ પપ્પા એક વાત કે ઘટના કે જેને કારણે તમને આ વર્ષ ખૂબ ગમ્યું હોય અને જીવવાની પ્રેરણા મળી હોય એનાં વિશે કહો."

"તમારાં બધાનાં ચહેરા પરનું સ્મિત...", કહીને મેં દીકરીઓના માથે ચૂમી ભરી ને લ્યો ઊગી ગયું નવું વર્ષ!


Rate this content
Log in

More gujarati story from Kanala Dharmendra

Similar gujarati story from Inspirational