યાદ આવ્યું…!!!
યાદ આવ્યું…!!!
સવારની ભીની સુગંધ સાથે,
ઉષ્માની ઓચિંતી હાજરીથી;
સમયની તવારીખો બદલી,
અને કઈંક યાદ આવ્યું…!
રસ્તે ચાલતાં પગરવ નિહાળી,
ધીમા સાદના ગુંજારવથી;
યાદોનું ઘોડાપુર આવ્યું,
અને કઈંક યાદ આવ્યું…!
ચહેરાઓના વૃંદમાં ભળતા,
નજરુંના ત્રાટકના ભાસથી;
લાગણીનો ધોધ વરસ્યો,
અને કઈંક યાદ આવ્યું…!
અદર્શનની હયાતી જાણી,
મોંને સજાવાતાં, મનને ટકોરતાં;
આવી જવાયું દુન્યવી માયામાં;
યાદોનું સદેહે તર્પણ કર્યું…!