ચાલને થોડું જીવી લઉં…!!!
ચાલને થોડું જીવી લઉં…!!!
આખી દુનિયાની નિતનવી ઉપાધિ મુકી;
મારી દુનિયામાં, ચાલને થોડું જીવી લઉં.
આ સંબંધોના તાંતણા ઉકેલવાનું મેલી;
અંતરના સંબંધે, ચાલને થોડું જીવી લઉં.
પૈસા-પ્રસિદ્ધિ મોજ-શોખની ચિંતા ભુલી;
સનાતન સતથી, ચાલને થોડું જીવી લઉં.
કાલ ગઈ ને કાલ આવશે એ અવગણી;
આજને માણી, ચાલને થોડું જીવી લઉં.
પ્રભુ પાસે હંમેશા માંગ-માંગ ના કરી;
આભાર માની, ચાલને થોડું જીવી લઉં.
રોજે-રોજ અન્યોને ખુશ રાખવાનું છોડી;
આજે મારા માટે, ચાલને થોડું જીવી લઉં.
એકલો જ આવ્યો તો એકલો જ જવાનો;
એ માની ને જ, ચાલને થોડું જીવી લઉં.