વસંત બની છે

આ રંગોએ ભારે કરી છે,

ડાઘડૂઘ જીંદગીને રંગીન કરી છે,

સ્કેચ રહી જાત એનો અધૂરો,

આ કેસૂડે કમાલ કરી છે.

શીશીઓ અત્તરની શું કરે ?

જ્યારે ફૂલડે ફૂલડે વસંત ભરી છે,

ઘાયલ થવામાં બાકી શું રહે ?

ફાગણિયા બેશરમ પવને એની લટ ઉડી છે.

નિસર્ગનો નશો બેફામ કર્યો છે,

શબ્દે શબ્દની હારો જાણે નાચી ઉઠી છે !

અંગે અંગે કામણ થયાં છે,

આ વસંતે માણસે માણસે કૂંપણ ફૂટી છે.

સૂકાયેલી કેટલીક ડાળો સળવળી ઉઠી છે,

લીલું કશું ઉગ્યું ને જાગી પડી છે,

જીવી જવાને આ હરિયાળી,

"નીલ"ની હર મૌસમ હવે વસંત બની છે.