વાત ન કર

તું જીવનમાં આવીને,

ફરીથી જવાની વાત ન કર...

મૌસમ નથી, પ્રેમ છે મારો,

તું સમયની મુદ્દત બાંધી,

ફરીથી જવાની વાત ન કર,

રાહ જોઈ શકું છું આજીવન તારી,

તું મુલાકાતનું વચન આપી,

ફરીથી જવાની વાત ન કર,

જીવવું છે મારે તારી સંગાથે,

તું યાદોના સહારામાં,

છોડવાની વાત ન કર,

વાંચી શકું છું તારી આંખોને,

તું ચૂપ રહી,

દૂર જવાની વાત ન કર,

ખુશ રહી શકું છું તારી બાહોમાં,

" તારા બધા દુઃખ મારા " આ દિલાસો આપી,

મને સુખી કરવાની વાત ન કર.