ત્યારે તમને સમજાશે

જ્યારે કોઈ કર જોડી દેશે ને ત્યારે તમને સમજાશે

અથવા કોઈ દિલ તોડી દેશે ને ત્યારે તમને સમજાશે,

જે જે કરતા'તા આપ મિલનની વાતો મળવા ટાણે

એ બધી વાતો કોઈ થોડી દેશે ને ત્યારે તમને સમજાશે,

જેના સંગે ચાલી, હાથને ઝાલીને સપનાં જોયા'તા

એ જ જો આ હાથને છોડી દેશે ને ત્યારે તમને સમજાશે,

આપ આ પથ્થરનું ઘર છોડી કાચનું ઘર ગમતું કર્યું છે

જો કોઈ એને તોડી દેશે ને ત્યારે તમને સમજાશે,

એ યાદ નથી એ બધીએ વાતો મનને છેતરવાની

જો કોઈ સાચે જ છોડી દેશે ને ત્યારે તમને સમજાશે.