તું મુજમાં સમાઈ જાય છે
તું મુજમાં સમાઈ જાય છે
મેઘધનુષ્યનાં રંગ જેમ એકમેકમાં પરોવાઈ જાય છે
તારી યાદ પણ એજ રીતે મુજમાં સમાઈ જાય છે...
એ વાતો, એ મુલાકાતો,
અને સાથે વિતાવેલો એ સમય
જીવનને સુંદર બનાવી જાય છે
તું મુજમાં સમાઈ જાય છે...
હું તુજમાં ખોવાઈ જાઉં છું...
યાદોની સાથે વાતો
વાતોમાં એ મુલાકાતો
મુલાકાતોમાં તારી યાદો
અને યાદોની સાથે વાતો
મુજને શ્વાસ આપી જાય છે
તું મુજમાં સમાઈ જાય છે...
હું તુજમાં ખોવાઈ જાઉં છું...
રાત્રિમાં તારા સપના
જોયા હું કરું છું..
સાચાં થાય એ સપના
એવી પ્રાર્થના કરું છું..
તું મુજમાં સમાઈ જાય છે...
હું તુજમાં ખોવાઈ જાઉં છું...
તારો સાથ જો મળી જાય
તો જીવન સ્વર્ગ બની જાય
જિંદગી તારી સાથે મારી
જન્નત બની જાય છે
તું મુજમાં સમાઈ જાય છે...
હું તુજમાં ખોવાઈ જાઉં છું...
નથી કોઈ વચનની જરૂર મારે
નથી કોઈ કવનની જરૂર મારે
માત્ર સાથ આપી દે મારો
તો મારું જીવન સજી જાય
તું મુજમાં સમાઈ જાય...
હું તુજમાં ખોવાઈ જાઉં.