તું મને કેટલો ગમ્યા કરે છે

એય ! જાણે છે તું મને કેટલો ગમ્યા કરે છે,

અંતરથી છલકાઈ મારામાં દોડ્યા કરે છે,

તારી એ અદાઓ મારામાં ઢોળાયા કરે છે,

ઝીણી ઝીણી સાચવીને મુકેલી તારા

વ્હાલની વાતો રોજ સંભળાયા કરે છે,

તારી આછી -આછી દાઢી જાણે

મને ક્ષણે-ક્ષણે સ્પર્શયા કરે છે,

તારી છાતી પર મારેલ એ મુઠ્ઠી,

હજીયે તારાં સ્પર્શને મસળ્યા કર્યા કરે છે,

હું થોડી થોભી જાવ તારી યાદોમાં ત્યાં જ

શ્વાસો શ્વાસ પણ સ્થિર થયા કરે છે,

ગજબનો આભાસ મને થયા કરે છે,

જાણે તું મારા પાલવમાં વીંટાયાં કરે છે,

મારા હોઠો તરસીને તારામાં ડોકાયા કરે છે,

એય ! જાણે છે તું મને કેટલો ગમ્યા કરે છે.