તરુણ પ્રણય

તમને શમણામાં કેદ કરી મીઠી નિંદર હું માણી લઉં,

કોઈ આવી જગાડે ઈ પે'લા પ્રણયની મજા માણી લઉં.

પુનમનો પ્રકાશ હવે દઝાડે છે દિલને બહુ,

કોઈ આવી ટોકે ઈ પે'લા ચાંદનીની મજા માણી લઉં.

આ ફૂલડાની સેજ પર થોડોક આરામ ફરમાવી લઉં,

કોઈ આવી રોકે ઈ પે'લા રંગોની હોળી ખેલી લઉં.

પ્રેમની નજરથી તમને નિરખવાની મજા માણી લઉં,

ઓઝલ થઇ જાવ ઈ પે'લા કચકડે એક તસવીર કંડારી લઉં.

તમને શમણામાં કેદ કરી મીઠી નિંદર હું માણી લઉં,

કોઈ આવી જગાડે ઈ પે'લા પ્રણયની મજા માણી લઉં.