તો શકું

વૃક્ષ પર માળો બનાવી તો શકું,

પ્રેમથી ડાળે ઝુલાવી તો શકું.

રંગ નોખા ભાત નોખી તોય ત્યાં,

સાથ જીવનભર અપાવી તો શકું.

વ્હાલ વાવ્યું જિંદગીભર ત્યાં કહો, 

છે હૃદયસ્થ એ જતાવી તો શકું.

વાત લાંબી પ્રેમમાં ચાલી અહીં,

પળ અવિનાશી લખાવી તો શકું.

ગીત મીઠાં પ્રેમનાં ગાતાં રહીં,

યાદને દિલમાં વસાવી તો શકું.

નામ સોહાગી સદા પાડ્યું પછી,

એ છબી મનમાં મઠાવી તો શકું. 

જાત પંખીની અહીંયા શિખવે, 

સાથ દુઃખ સુખમાં નિભાવી તો શકું.