તમારા નિત્ય દર્શનની લગન

તમારા નિત્ય દર્શનની લગન દિલને ગઇ લાગી

અખંડ અમોઘ દર્શનની લગન દિલને ગઇ લાગી... તમારા નિત્ય દર્શનની.

કૃપાની કરી છે વૃષ્ટિ, સરજતાં સ્નેહની સૃષ્ટિ;

તમારા અધિક અમૃતકાજ, પ્રાણે પ્યાસ છે જાગી... તમારા નિત્ય દર્શનની.

કર્યું દર્શન તમારું મેં, સતત દર્શન કરાવો તે;

અલગ ના એક પળ પણ હો, કઠોર થઇ મને ત્યાગી... તમારા નિત્ય દર્શનની.

તમે પણ પ્રકટશો પાસે, વિહરતો એ જ અભિલાષે;

મટે ના વેદના કેમે કરી, વીણા રહી વાગી... તમારા નિત્ય દર્શનની.

વિરહ કેરી વ્યથા ટળશે, મિલનની મધુરતા મળશે;

કરે આરાધના એથી જ, અંતર રોજ અનુરાગી... તમારા નિત્ય દર્શનની.