થઈને રહેવું છે

તારી આંખોની અમી થઈને રહેવું છે, 

તારા હોઠોની હસી થઈને રહેવું છે.

ભૂલી જગતની બધી રીતભાત મારે, 

તારા ચોટલાની વેણી થઈને રહેવું છે.

સતત સ્પર્શી શકું ચાંદશા વદનને, 

એટલે તારા કેશની લટ થઈને રહેવું છે.

પડ્યો રહીશ ખૂણામાં તુજ હ્રદયના,

તારા દિલનાં ભાડુત થઈને રહેવું છે.

સુખમાં તો હોય સૌ સંગાથે મારે તો;

તારા દુ:ખના ભાગીદાર થઈને રહેવું છે.

જીવન લાગેના ખારું ઝેર ક્યારેય તને; 

તારી ધમનીઓમાં અમૃત થઈને રહેવું છે.

બાદશાહી બહુ ભોગવી 'સતીષે' હવે તો, 

તારા દિલમાં કાયમ ગુલામ થઈને રહેવું છે.