તારા નામે

તારા નામે જિંદગી આખ્ખે આખી કરી દઉં. 

તારા આ દેહને કર્મોની સુવાસથી ભરી દઉં.

શુક્રગુજાર છું તારા આ ઉપકારથી હરિવર, 

તને પણ લાગશે આને માનવ જન્મ ફરી દઉં.

નહીં ગુમાવું વૃથા જિંદગી ભોગવિલાસે માત્ર,

મારાં તમામ સત્કર્મોને તારા ચરણે હું ધરી દઉં. 

ન ભરું પગ પારોઠ પગ કદી કર્મ ઝંઝાવાતમાં,

હોય જો તારો રાજીપો તો કસોટી આંકરી દઉં.

સાડાત્રણ મણની કાયા ધરીને જીવી રહ્યો છું, 

તોયે તારા સહારે સંસાર સાગરને હું તરી દઉં.