સ્વમાન
સ્વમાન
ન માન ઈચ્છીએ કોઈથી, ન કોઈનું અપમાન કરીએ,
બસ ગમે તેમ કરી આપણા સ્વમાનનું જતન કરીએ !
કહે કડવા વેણ કોઈ તો સમજો એ સમસ્યા એની,
આપણે સ્વામાન ભેર બસ આપણું જતન કરીએ !
કોઈ લખે છાંદસ ને કોઈ લખે અછાંદસ મોજ એની,
ભાવમાં ડૂબી માતૃભાષાના સ્વમાનનું જતન કરીએ !
છે હીનગ્રંથીનો જન્મદાતા રાજમાર્ગ સદા હરિફાઈનો,
આપણે એકલતાની કેડીના સ્વમાનનું જતન કરીએ !
કોઈ ધ્યાન આપે કે ન આપે, રહીએ ઉદાસીન એ થકી,
ને ભીતર તરફ વાળી જાતને સ્વમાનનું જતન કરીએ !
એક એક કદમ ભરીએ સાવચેતીથી "પરમ" રાહ પર,
"પાગલ" થઈ આગળ વધી સ્વામાનનું જતન કરીએ !