સુંવાળો પગરવ

થયો સુંવાળો પગરવ ગર્ભમાં વધાંમણાં કરું,

હું હરખાતી મલકાતી મીઠું હેત નિતરતું કરું !

જતન કરું બહુ તારાં તને આપું હૈયાની હૂંફ,

તારી ધડકતી ધડકન હું હરદમ મહેસુસ કરું !

માતૃપ્રેમ છલકાવું ને છલકતો રાખું મારો સ્નેહ,

પાઈ અમૃતતણું ધાવણ મીઠાં ઓડકારે કરું !

ઘડાવું ઘોડિયું ચિતરાવું હાથી, ઘોડા નેફુલવારી,

કપડું લઈ મખમલી પચરંગી ખોયું તૈયાર કરું !

તું આવીશ રુડાં આંગણે પગલાંની પાડુ છાપ,

"ઝીલ" ઝૂલાવે ઘોડિયું હાલરડાંને વહેતાં કરું !