સુંદરતા મજાની
સુંદરતા મજાની
1 min
369
ટમટમ કરતા તારલિયા શોભે,
ઉંચા આકાશે સુંદરતા ખીલે,
અવકાશમાં ચારેકોર સુંદરતા મજાની !
ચાંદામામાની ચાંદની લાગે અનોખી,
પુનમે ખીલે ચંદ્રની રાત અનોખી,
અવકાશમાં ચારેકોર સુંદરતા મજાની !
વાદળી દોડે ઉંચા ઉંચા આકાશે,
કાળી કાળી થતી ઉંચે તરશે,
અવકાશમાં ચારેકોર સુંદરતા મજાની !
સૂરજદાદા જોને ભરપૂર તપે,
તેને જોઈને ધરા ધોમધખંતી બને,
અવકાશમાં ચારેકોર સુંદરતા મજાની !
વિજળી જોને ચમચમ ચમકે,
વરસાઈ ધારા છમછમ વરસે,
અવકાશમાં ચારેકોર સુંદરતા મજાની !
આકાશે વિહરતા પંખીઓ ગમે
પાંખો ફરફર ફરફર કરતા ફરકે
અવકાશમાં ચારેકોર સુંદરતા મજાની !