સુખની મીઠી પળ

જેની આંખમાં હેત નીતરતા સ્વપ્ન હોય,

પ્રેમ કેરા મીઠા દરિયા સદા જ્યાં વહેતા હોય,

એ પરિવાર સંગ સુખની મીઠી પળ હોય.

ઘરનો વડલો બની છાંયડો આપતા દાદા હોય,

ઘરની રીતભાત શીખવતા દાદી ઉભા હોય,

એ પરિવાર સંગ સુખની મીઠી પળ હોય !

માના વ્હાલસોયા ખોળામાં સુખ ભરપુર હોય,

વગર માગ્યે જ ઈચ્છા પૂર્ણ કરતાં પિતા હોય,

એ પરિવાર સંગ સુખની મીઠી પળ હોય !

મજાક મસ્તી ને વાદવિવાદ કરતા ભાઈ-બહેન હોય,

એકબીજાના લાડથી પરિવારમાં રોનક ભરતા હોય,

એ પરિવાર સંગ સુખની મીઠી પળ હોય !

વાતવાતમાં રોકટોક કરતા ઘરના સભ્યો હોય,

મુસીબત સમયે અડીખમ સાથે ઉભા હોય,

એ પરિવાર સંગ સુખની મીઠી પળ હોય !

વડીલોના માનપાન જ્યાં સચવાતા હોય,

દિકરીને વ્હાલથી સહુ હસાવતા હોય,

એ પરિવાર સંગ સુખની મીઠી પળ હોય !

જ્યાં બાળકના ચહેરા ખિલખિલાટ હસતાં હોય,

આનંદના દરિયામાં સૌ ઝુમતા હોય,

એ પરિવાર સંગ સુખની મીઠી પળ હોય !