સ્ત્રી
સ્ત્રી
હે સ્ત્રી તું લક્ષ્મી છે, નારાયણી છે,
તારા થકી જ આ જીવન વાણી છે,
સ્ત્રી જ સ્ત્રીની દુશ્મન નથી,
સ્ત્રી જ સ્ત્રીની સાચી હમદર્દ છે,
તારાથી જ આ સંસાર ચાલે છે,
બાકી ક્યાં કોઈની તાકાત છે ?
એક જીવને જન્મ આપવાની ?
રાણી લક્ષ્મીબાઈ પણ તું જ છે,
નરસંહાર કરનાર દુર્ગા પણ તું જ છે,
અન્યાય સહન કરનાર પણ તું જ છે,
બાળકો માટે પોતાના જીવનનો ભોગ પણ તું જ આપે છે,
પોતાના માટે હિંમતભેર ઊભી રહેનાર પણ તું જ છે,
પોતાના પરિવાર માટે રણચંડી પણ બનનાર તું જ છે,
પોતાના પરિવારને પ્રેમથી જોડનાર પણ તું જ છે,
બાળકોના ભવિષ્યની ચિંતા કરનાર પણ તું જ છે,
માતાપિતાની સેવા કરનાર પણ તું જ છે,
એવરેસ્ટ શિખર સર કરનાર પણ તું જ છે,
નોકરીની સાથે ઘર સંભાળનાર પણ તું જ છે,
પ્રેરણાનું ઝરણું પણ તું જ છે,
સ્નેહનું સંગીત પણ તું જ છે,
હે સ્ત્રી, તારી જાતને ઓળખી,
તારું પણ અલગ અસ્તિત્વ છે,
તે સમાજને બતાવનાર આધુનિક સન્નારી પણ તું જ છે,
હે સ્ત્રી તું લક્ષ્મી છે, નારાયણી છે.