સ્ત્રી...

તું પોતે પોતાની જાતને મારી નાખ,

ઉછેર કર્યા બાદ બેમોત મરતાં તું જોઈ નહિ શકે

ને માટે દીકરી જન્મે એ પહેલાં તું એને મારી નાખ.

આઝાદ દેશ થયો છે તું નહિ,

આઝાદ તિરંગો થયો છે તું નહિ,

માટે આ જાતને ઢાંકવા કાજે તું એક કાપડ સાંધી રાખ.

ને તારે હથિયારની કોઈ જરૂર નથી,

આ પુરુષ કેરી જાતને જન્મ આપવાનું વાળી નાખ.

તું પોતાની જાત સાથે લડ્યા કર,મથ્યા કર...

આ લાગણી સાથે કોઈને રમવાની છૂટ ના આપ.

ને ક્યાં સુધી આ ધરતીમાં તું સમાયા કરીશ,

તું પોતે વિનાશ આ ધરતીનો કરી નાખ.

તું પોતે પોતાની જાતને....