સરદારનું ગીત-૧પ.

ખેડા સત્યાગ્રહ-ર (ઈ.સ. ૧૯૧૮)

અહીં મોહન પંડયા છે, લડત કરનાર રે;

મળ્યા વલ્લભભાઈ છે, મદદે આવનાર રે.

ખોટી સલાહ આપે છે, આવી અમલદાર રે;

જેથી વિચાર માફીનો, કરે નૈ સરકાર રે.

અમ સિવાય લોકોનું, કોણ છે જાણનાર રે;

મગજમાં ભરે એવી, તુમાખી સરકાર રે.

છે ચળવળિયા આવ્યા, ખેડૂતની સહાય રે;

તેનું ખેડૂત માને તો, ગુનેગાર ગણાય રે.

સરકાર કહી આવું, કરે છે અપમાન રે;

ને લોકસેવકો બન્યા, સાંભળીને સભાન રે.

લડવું ખાસ જોઈએ, જાળવવા સ્વમાન રે;

આતો ભારે કહેવાય, પ્રજાનું અપમાન રે.

નિષ્પક્ષા ન્યાય માટેની, કરે છે ફરિયાદ રે;

છતાંયે સરકારે તો, દીધી જરા ન દાદ રે.

થયો છે અરજીઓનો, ગામોથી વરસાદ રે;

પ્રજા-અમલદારોમાં, છંછેડાયો વિવાદ રે.

આ થાળે પાડવા માટે, વિચારે સરકાર રે;

માફી આપી ટકા સાત, કર્યો’તો ઉપકાર રે.

કઠી આ ખૂબ લોકોને, સરકારી મુરાદ રે;

કરી મજાક લોકોની, મૂકેલ મરજાદ રે.

દૈયપમાં તલાટીએ, કાળો કેર કરેલ રે;

બૈરી છોરાંય વેંચીને, પૈસા દેવા કહેલ રે.

કન્યાનાં એક ખેડૂતે, બાળલગ્ન કરેલ રે;

વેરો દેવા જમાઈના, પૈસા લેવા પડેલ રે.

ઘેર વલ્લભભાઈના, સભા એક ભરાય રે;

ભરવું નૈ મહેસૂલ, એવું નક્કી કરાય રે.

લોકોને જાણ માટેના, ગામે પત્રો લખાય રે;

છેલ્લી જાણ વિના વેરો, હાલમાં ન ભરાય રે.

**

કરી વલ્લભભાઈએ, તૈયારી સાથ આપવા,

થયા તૈયાર એ માટે, ધંધાને પણ છોડવા.

(ક્રમશ)