સ્મરણ
સ્મરણ
વિતેલી એ વાતોનું, હશે સ્મરણ તો તુજને
હજુ લાવ્યો સાથે, હાથ ઝાલી હું તુજને,
કશું તું ના બોલીને, કશુંક હું પણ ન કહી શક્યો
દૂર થયો હું તનથી, મનથી જુદોના થઈ શક્યો,
મળ્યાં કે- ના મળ્યા, ને અલગ થયાં ક્ષણભરમાં ?
વળું પાછો ત્યારે, મોજ જ થશે જીવતરમાં,
ન દેખાડયાં આંસુ, થઈને સુન-મુન ઊપણ રહી
છવિ તારી એ તો, પલક માંહે મઢી ભઈ,
ઉતાર્યો મેં શેરોને જયે, એ ખાખી જ પહેરી
સહુની ઉદાસી, મને વળી આવી જ ઘહેરી !
હતો ગર્વ તુજમાં, બધાને આવી સાંભળ્યા
વડીલોએ આવી, પછ આપણને પંપાળ્યા,
હું બોલું શું આગળ ? કે ભરેલ મનથી હું નીકળો
રખોપા કરવાને કે, જે માં નો છું હું જ દીકરો,
પછી સખા સંગે, ઘણી-ઘણી જ વાતો થઈ વળી
પલકમાં પલટાઈ એ, પ્રસન્નતાની ઘડી વળી !
મળ્યાં આદમખોરો, અમારો જ પીછો એ કરતાં
ભલે આવે પાસે,અમે શું એનાથી છ ડરતાં ?
થયું રણસંગ્રામ અમો,સામ-સામે જ લડયાં
કશુંક અમ ઘવાયાં, ને તેઓ કેટલાંય પડ્યાં,
થઈ જયને આવ્યો,કશું, કોઈ કાને જ ન ધરે?
અરે! હું આહી છું, તું જરાં જોને લે’ મુજને
અહીં માતમ શાને ?,લઈ વિજયને હું છુ આયો
તમો આ શું બોલ્યાં !, ‘માં’ દીકરા તું કેવો ઘવાયો ?
રજા તો ના લીધી,પણ અહીં સંદુક આલી ?
ભરી’તી મેં જો માં, પડી છે-જે બંદુક ખાલી,
તિરંગો છે ઉપર ! વળી, શહીદ એ કોણ થઈ ગયું ?
હથેળી છે મારી ! વળી,એ લોકેટ મારું રહ્યું ?
હતો ‘હું’ કે છું હું ?, નથી કંઈ જ મુજને સમજાતું
શહીદોની સાથે હશે, આવુંને-આવું જ થાતું !
ઉકેલું હું કો’ને, કેમ જ કરી આ ગૂંચને ?
વિતેલી એ વાતોનું, હશેને સ્મરણ તો તુજને ?