શું જાણે ને માણે
શું જાણે ને માણે
1 min
389
આઝાદી જાણે આઝાદીનો મતલબ,
આમ આદમી શું જાણે ને માણે !
બે ટંકનાં પડ વચ્ચે પીસાતો,
અમૃત મહોત્સવ શું માણે !
સમાજ વ્યવસ્થા જાતિગત વચ્ચે,
આઝાદી મતલબ એ શું માણે !
બેરોજગારી દાવાનળ પીડા વચ્ચે,
આઝાદીના લેખા જોખા એ શું માંડે ?
દુરંદેશીતા વગરની શાસન પ્રણાલી,
પંચોતેર કે સો ! શું ફરક પડે ?
ખુરશી કેન્દ્રીત સત્તા સાઠમારી,
લોકોની હાડમારી વધારે !
લેર કરતાં નેતા ને પૂંજીપતી,
દેશ સ્થિતિમાં ક્યાં ફેર પડે ?
ડિગ્રીના થોથા ને ભ્રષ્ટાચારના ઓથા,
યુવા આઝાદીના લેખા જોખા શું માણે ?
છળકપટ ને બખડજંતર ચોતરફ,
"રાહી" આમાં લેખા જોખા શું માંડે ?