શ્રદ્ધા થી સર ઝુકાવી દઉં છું

ભીતર લાખો ભેદ ભંડારીને રાખુ છું,

એમ મારા અસ્તિત્વને ક્યાં આમ લોકો સમક્ષ રાખું છું,

ભલે રીત અલગ રાખું છું બધાથી,

પણ તોયે સૌના માટે હૈયે સદા પ્રીત રાખું છું.

ભીતરમાં થતો તરફડાટ ક્યાં કોઈને બતાવું છું,

મારાથી જ મારા રહસ્યો છુપાવું છું,

ભીતરના ભેદને પામવા અંતરનું દ્વાર ખુલ્લાં રાખું છું,

ઈશ્વર ને પામવા આમ હું મારી જાતને ભેદુ છું.

ખબર છે માનવીની બુદ્ધિથી પર છે,

આ ઈશ્વરને પામવાનું,

એટલે જ શ્રદ્ધાથી સર ઝુકાવી દઉં છું.

લાખો રહસ્યથી ભરેલું છે આ ઈશ્વરનું જગત,

આગલી પળે શું થવાનું એ ક્યાં છે મને ખબર,

બસ ઈશ્વર રાખે એમ રહી લઉં છું,

એને ક્યાંરેક થોડીક ફરિયાદ કરી લઉં છું.