શિક્ષક

ચણતર જીવનનું કરે છે શિક્ષક,

ભણતર જીવનમાં ભરે છે શિક્ષક.

સવાયા શિષ્યની હો અભિલાષા,

સિદ્ધાંતોને સદાએ વરે છે શિક્ષક.

સંસ્કારોને સિંચે એ જીવનમાં,

કેટલી ધીરજને એ ધરે છે શિક્ષક.

વિવેકના વાવેતરને કરનારો છે,

તારી બીજાને પોતે તરે છે શિક્ષક.

જ્ઞાનસુધા અવિરત એ પાનારો,

સત્યને નિરંતર સંઘરે છે શિક્ષક.

સાચું સન્મુખ સદાય કહેનારો,

ક્યાં કોઈનાથી એ ડરે છે શિક્ષક.

હોય હયાત કે પછી દિવંગત,

સૌ કોઈને એ સાંભરે છે શિક્ષક.