શહીદ

ધન્ય છે એ શહીદને જેણે પ્રાણનાં બલિદાન દીધાં,

ધન્ય છે એ શહીદને જેણે સર્વસ્વ સમર્પણ કીધાં.

અમર છે ઇતિહાસમાં કુરબાની જેની અનુપમ છે,

ધન્ય છે એ શહીદને જેણે દેશદાઝના ઘૂંટને પીધાં. 

તજી કુટુંબ કબીલા ઘરબાર સરહદે વસ્યા જેઓ,

ધન્ય છે એ શહીદને જેણે દુઃશ્મનને સીધા કીધા.

કરી રક્ષણ માભોમનું મૃત્યુની સોડ જેણે તાણી રે,

ધન્ય છે એ શહીદને જેણે સાચવી દેશની ગરિમા.

જાય ન એળે કુરબાની એ જોવું રહ્યું સૌ આપણે,

ધન્ય છે એ શહીદને જેણે લોકહૃદયે સ્થાન લીધાં.