સાગર સમાવવા

અધરની મુસ્કાન જરૂરી છે હર હૈયા હસાવવા,

કાફી છે એક મૌન અસંખ્ય આંખોને રડાવવા.

સર્જન તો કરતા કરી નાખ્યું એ પ્રેમકવિતાનું,

પણ એનું વિસર્જન કર્યું છે જીવી બતાવવા.

આ હાથની ક્ષમતા નહીં પૂછો તો ચાલશે સાહેબ,

કારણ, એટલું સામર્થ્ય ધરી રાખ્યું છે સાગર સમાવવા.

આ દુનિયામાં ઘણા સ્વાર્થના સંબંધો બન્યા હશે,

પણ હું તો જીવું છું નિઃસ્વાર્થ સાથ નિભાવવા.

આ જન્મથી મૃત્યુની યાત્રા કંઈ નાનો સફર તો નથી,

દરેક રાહીને રાહબર જરૂરી છે જીવન વિતાવવા.