STORYMIRROR

Jivatiben Bachubhai Pipaliya

Inspirational Thriller Others

4  

Jivatiben Bachubhai Pipaliya

Inspirational Thriller Others

રણ કદી ના છોડતી ભઈ

રણ કદી ના છોડતી ભઈ

1 min
328

જીવન તણી ઘટમાળ તો સંગ્રામ શી, ના હારતી ભઈ,

રણછોડની ચાહક બની, પણ રણ કદી ના છોડતી ભઈ,


અકબંધ રાખી લાલિમા ! કરમાય ના સૌંદર્ય મુખથી,

છો લાખ દે આઘાત અંગત, વખ કદી ના ઘોળતી ભઈ,


મનની વ્યથા ઓઝલ કરી, ઓઢું ખુશીનું ઓઢણું શિર, 

બેદાગ જીવું આયખું, સેવ્યું સપન, ના ભૂલતી ભઈ,


આંધી અને તોફાન, કાં દેતો જમાનો ! જાણતી હું,

પ્રતિકારની ત્રેવડ છતાં પણ મૌન રૂડું સેવતી ભઈ,


ઈશ્વર કૃપાથી સાંપડી છે, જિંદગી સુંદર મજાની !

તેથી પલાયન ના કરે 'શ્રી', ભોગવી દુ:ખ મ્હોરતી ભઈ.


સામગ્રીને રેટ આપો
લોગિન

Similar gujarati poem from Inspirational