રાધા કૃષ્ણ
રાધા કૃષ્ણ
કરી બંધ નૈનો તુજમાં મગ્ન થઈ ભળી જાવું છું,
તારા કાધે રાખી શીશ ભવસાગર તરી જાવું છું,
તારા મોરપીંછના રંગો સા મેઘધનુષી સ્વપ્ના રાચુ,
વિચારોમાં તારા સૌ કામ કાજ વિસરી જાવું છું,
શ્યામ વર્ણ વદનમાં મોહક સ્મિત તારું રેલાતું જોઈ,
વિરહની વેદના પાતાળે ભંડારી ઉગરી જાવું છું,
ઓ, મારા કાન્હા કેમ નથી લખ્યો સંગાથ આપણો ?
પ્રેમ પૂંજીમાં જાણી જાતને રંક ચોધાર રડી જાવું છું,
હૃદય મહેલમાં સાક્ષાત શાશ્વત તું જ બિરાજમાન છે,
ના જાણે કેમ તારા ઈંતેજારમાં આતમે ઓગળી જાવું છું.