પૂછો એને

અકરમીને મોજ કેમ મળે છે ? પૂછો એને,

સકરમીની જાત કેમ ગળે છે ? પૂછો એને,

આ જગતનો તારણહાર જો મળે તમને,

સૂકા સાથે લીલું કેમ બળે છે ? પૂછો એને,

જૂઠનો પર્દાફાશ જોવા મળતો નથી ક્યાંય,

ને સત્યની વાતો કેમ ટળે છે ? પૂછો એને,

અમેરીકામાં જન્મે તો મળે જાહોજલાલી,

અહિં ભૂખથી કેમ ટળવળે છે ? પૂછો એને,

ગયા ભવના કર્મ કહીને છૂટી જવું છે એને,

એની સાબિતિ કયાં મળે છે ? પૂછો એને,

'સ્તબ્ધ' વાતો કરે કાયમ બળવાખોર,

 એ કશે કયાં ભળે છે ? પૂછો એને.