પ્રભુ તારા ચરણોમાં
પ્રભુ તારા ચરણોમાં
પ્રભુ તારા ચરણોમાં સ્થાન સદા તું દે ;
જીવન સાગરમાં ભવોભવનો સાથ સદા ચહું !
પૂછું હું ખુદને તારું અસ્તિત્વ ક્યાં છે ખડું ?
પામવાને ભક્તિ તમારી નિજમાં સદા જોતી રહું !
વ્હાલપ તમારું ઉર ભીતર છવાતું ગયું,
પૂજન કરતા દિલમાં સદા સાચપની મૂરત જડુ !
સંસ્કારોની મૂડી બાંધી હર સફરમાં પડું,
પ્રારબ્ધ કેરી બાજી તમ આશિષમાં સફળ હું કરું !
ગગનથી ધરા પર તવ પ્રેમની સુવાસ બનું,
સ્વાર્થ નિ:સ્વાર્થ જગ બંધનને તોડી જીવન ઘડું !
તારા શરણમાં રહીને સત્કર્મની જ્યોત જલુ,
ભલે કાર્યની ભરમાર વચ્ચે હું તુજમાં મુજને જડુ !