ફૂલોને જગાડે આ સવાર

તાજા જન્મેલા બાળક જેવી ખિલખિલાટ હસતી આ સવાર,

જગતને નવી ઊર્જા પ્રદાન કરે આ સવાર,

નયનરમ્ય વાતાવરણ સર્જીત કરે આ સવાર,

સમગ્ર વાતાવરણને મહેકતું બનાવે સવાર,

પંખીઓનાં બદનમાં નવી તાજગી ભરી,

નવો ટહુકો આપે આ સવાર,

ગાઢ નિદ્રામાં સૂતેલા નાના બાળક જેવા ફૂલોને,

માતાના પ્રેમાળ સ્પર્શથી જગાવે આ સવાર,

વાતાવરણને મહેકતું બનાવે આ સવાર,

કંઈ પણ વળતરની અપેક્ષા વગર સૌનું જીવન સુંદર બનાવે આ સવાર,

થોડાક કલાકો જીવંત રહે પણ તોય,

નવી તાજગી નવો ઉલ્લાસ આપે આ સવાર,

સૃષ્ટિને સુંદરતા અને ભવ્યતા આપે આ સવાર,

રોજ ઊગે અસ્ત પામે તોય ફરી ઊગે આ સવાર.