ફરી શાળાએ જવું છે

હીરા, મોતી ને ઝવેરાત લઈ લો,

આ કિંમતી બાળપણ પાછું આપી,

આ જીવનની કેડી છે કાંટાળી,

બચપનની ડગર પર ચાલવા દોને,

આ જવાબદારીનું બેગ કમર વાંકી વાળી નાખે,

આ સ્કૂલનું દફતર ફરી આપી દોને,

આ મિત્રો ખોવાયા મારા દુનિયાની ભીડમાં,

ફરી આ સ્કૂલના મિત્રો આપી દોને,

મોલ ને રેસ્ટોરન્ટ કરતા મીઠો લાગે સ્કૂલનું લંચ,

ફરી આ લંચ બોક્સ આપી દોને,

ટેન્શન નિરાશા હતાશાથી પાગલ બન્યો,

આ સ્કૂલની રમતો ફરી રમવા દોને,

આ જિંદગીનાં ગણિતમાં હું કાચો પડ્યો,

ફરી એ શિક્ષકોને મળાવી દોને,

હીરા, મોતી ઝવેરાત લઈ લો,

આ બચપણ પાછું આપી દોને.