ફિલ્મ

દિવસો પણ એ હતા જ્યારે થિયેટરમાં જતાં

સારી સારી ફિલ્મોનો એ દોર‌ માણતાં,

એક એક રૂપિયાની ટિકિટ માટે

લાંબી લાંબી કતારોમાં ઊભા રહેતાં 

મજા તો એ જમાનામાં હતી

ઉત્સાહ ફિલ્મ જોવાનો હતો,

ના સ્ટોરી ખબર ના કોઈ એવી માહિતી

બસ એક્ટરના નામ પર ફિલ્મ જોવા જતાં,

સંગીત એવું મધુરું સુંદર લાગે

ફિલ્મી ગીતો મનમાં ગણગણતાં,

એ દિવસો પણ કેવા સરસ હતાં ?

છ મહિને ફિલ્મ જોવા જતાં,

યાદગાર ફિલ્મો બનતી, પ્રેક્ષકોને પણ ગમતી

રેડિયો પર મધુર ફિલ્મી ગીતો સાંભળતાં,

અમે જુની પુરાણી ફિલ્મોના શોખીન

આજે પણ ફિલ્મી ગીતો સાંભળતાં.