પાછું વળી જોયું નથી

દરિયાની એ મઝધાર હો પાછું વળી જોયું નથી,

તલવારની છો ધાર હો પાછું વળી જોયું નથી,

ખાવા પડ્યા છે જો તમાચા ખાઇ લીધા ગાલ પર,

કે પીઠ પાછળ માર હો પાછું વળી જોયું નથી,

લાગ્યું મને જ્યાં યોગ્ય ત્યાં મેં ઝંપલાવ્યું છે જ ભૈ,

તકરાર હો કે પ્યાર હો પાછું વળી જોયું નથી,

મેં એકલા હાથે ય દોસ્તો!

બહુ લડાઇઓ લડી,

સામે ભલે બે-ચાર હો પાછું વળી જોયું નથી,

"યા હોમ"નું એ સૂત્ર લઇ ચાલ્યો જ છું હંમેશ હું,

એ જીત હો કે હાર હો પાછું વળી જોયું નથી.