નિર્દોષ હાસ્ય

ઘરની બહાર નીકળતા જ પાડોશીનું,

બારીમાંથી મારી તરફનું એ નિર્દોષ હાસ્ય,

નીચે જતાં ગાર્ડનમાં રમતા નાના,

ભૂલકાઓનું મારી તરફનું એ નિર્દોષ હાસ્ય,

બહાર જતાંજ ફ્લેટના ગેટ પાસે ઊભેલા,

એ સિક્યોરિટી ગાર્ડનું મારી તરફનું એ નિર્દોષ હાસ્ય,

શાકભાજી વેચતાં એ માસીનું મને બોલાવી,

'જય શ્રી કૃષ્ણ' કહી મારી તરફનું એ નિર્દોષ હાસ્ય,

સિગ્નલ પર ઉભા રહીને ફરજ બજાવતાં ટ્રાફિક પોલીસનું,

વૃધ્ધાને રસ્તો પાર કરાવતાં,એકબીજા સામેનું એ નિર્દોષ હાસ્ય,

ભીખ માંગતા નાના નાના બાળકોનું,

આશાભરી નજરોથી મારા તરફનું એ નિર્દોષ હાસ્ય,

આવી સ્વાર્થી દુનિયામાં પણમ,

મને મળતું રોજ એ નિર્દોષ હાસ્ય.