નીકળ્યો છું

ગુમનામ બાળકને આજ દર્પણમાં શોધવા નીકળ્યો છું ,

બંધ આંખે હું દીવો લઈ તને શોધવા નીકળ્યો છું ,

શું હકીકતોથી વાકેફ નથી હું ?

આજ ફરીથી હું મને મળવા નીકળ્યો છું,

મારાથી મને થોડુક છુપાવીને ,

હું ખુદથી ખુદને છળવા નીકળ્યો છું ,

ખરા તડકામાં સૂર્યને આપવા છાંયો,

આખેઆખો હું બળવા નીકળ્યો છું ,

રણ બની થાકી ગયો જીવનભર,

હવે ઝરણુ બની તારામાં ભળવા નીકળ્યો છું ,

જે મંજીલ પર મારે પહોંચવું હતું,

અડધે રસ્તે જ પાછું વળવા નીકળ્યો છું.