નદી

ક્યારેક શાંત તો ક્યારેક ઉછળતી કૂદતી વહે છે નદી.

કેટલી અડચણો હસતા-હસતા હર પળ સહે છે નદી.

એના મીઠાં નીરથી જીવે છે સમગ્ર જીવ સૃષ્ટિ જોને,

લોકમાતા કહેવાતી એ,સૌના હૈયામાં વસે છે નદી.

નિજ સ્થાન છોડીને આગળ વધતી રહે છે સદા.

સાંભળો ધ્યાનથી તમે તો કંઈક સંદેશ કહે છે નદી.

ડુંગર પરથી પછડાતી-અથડાતી જાણે સ્વર્ગ સુંદરી.

મંજીલ એની પામવા કેટકેટલા સંકટો સહે છે નદી.

માતા કહીને ગંદકીથી એને કરીએ મલીન છતા.

લોકોની ભૂલને માફ કરીને સૌને નીર ધરે છે નદી.