ના કર

જ્યાં ત્યાં જઈ કોઈની ખટપટ ના કર,

મૂછે વળ દઈને તું ખોટો વટબટ ના કર,

તું સંબંધો જાળવી રાખ રકઝક ના કર,

જરૂરથી વધુ બોલીને તું બકબક ના કર,

કોઈનો વિરોધ કરીને તું વેરઝેર ના કર,

કોઈપણના ઘરની વાતો ઠેરઠેર ના કર,

કોઈનાં કામ કરી પ્રચાર ઘેરઘેર ના કર,

તું ઘડીએ ઘડીએ આમ ફરફર ના કર,

પાનખરનાં પર્ણની જેમ ખરખર ના કર,

ખાદ્ય વસ્તુમાં ખોટી તું ભેળસેળ ના કર,

ઉપરથી જ લોકો સાથે મનમેળ ના કર,

કોઈની નબળી નસને ખોળખોળ ના કર,

સીધી વાત કર આમ ગોળગોળ ના કર,

કોઈ લોકોની પર તું ખોટી ટકટક ના કર,

નજીવી બાબતમાં આમ રકઝક ના કર,

ખોટા મગજને બગાડી લપલપ ના કર,

સ્વાર્થ ખાતર ઈશ્વરનું તપબપ ના કર,

કોઈનાં શબ્દ ચોરી તું લખલખ ના કર,

ઉતાવળથી કામ બગડે ઝટપટ ના કર,

પ્રભુ આપે સંતોષ માન ઘટઘટ ના કર.