ન ભરમાશો અહીં કોઈ

ન ભરમાશો અહીં કોઈ, મળેલી વાત પાક્કી છે

જરા થોડાક મુદ્દામાં, મહત્વની શરત રાખી છે,

કપાશે ઝાડવાં, પંખીઓ ઊડીને થશે બેઘર

બધાંએ આટલી અખબારની, વાતને જ વાંચી છે,

કુદરતને અવગણી, જગ તરફડે છે, વિના પ્રાણે

નથી સમજાતું હજુ, વ્યોમે આશાની હોડ બાકી છે,

અરીસો આપશે પ્રતિબિંબ સાચું, સ્વીકાર્ય નથી તો પણ

ન માનો કે આ પ્રતિબિંબ ખોટું, આંખો પણ આ કાચી છે,

વિજ્ઞાનની પાંખથી, શોધી વળ્યાં, આખાય બ્રહ્માંડને

હલાવે, ફોસલાવે, એ જ તો, અવનીની ઝાંખી છે.